ఢిల్లీ శిల్ప సమాగమ్‌లో నాలుగు సంస్థల ద్వారా సుమారు రూ.55.46 లక్షల విక్రయాలు

ఢిల్లీలోని శిల్ప సమాగమ్ మేళాలో పాల్గొన్న నాలుగు అభివృద్ధి సంస్థల ద్వారా నవంబర్ 1 నుంచి 8 వరకు మొత్తం సుమారు రూ.55.46 లక్షల విక్రయాలు నమోదయ్యాయని కేంద్ర సామాజిక న్యాయ మంత్రిత్వ శాఖ నవంబర్ 9న తెలిపింది. ఐఎన్‌ఏలోని ఢిల్లీ హాట్‌లో జరుగుతున్న మేళా తొలి ఎనిమిది రోజుల విక్రయాలివి.

నవంబర్ 15 వరకు జరిగే ఈ మేళాలో 130కి పైగా స్టాళ్లలో హస్తకళలు, చేనేత ఉత్పత్తులు, దీపాలు తదితర వస్తువులను విక్రయిస్తున్నారు. పాల్గొనే లబ్ధిదారులకు ఉచిత స్టాళ్లను అందించడంతో పాటు ప్రయాణ ఖర్చులు, వస్తువుల రవాణాకు సాయం చేస్తున్నట్లు మంత్రిత్వ శాఖ తెలిపింది.