చెన్నైలో భారత్, మయన్మార్ తొలి సంయుక్త విపత్తు సహాయక విన్యాసం

మానవతా సహాయం, విపత్తు సహాయక చర్యల కోసం భారత్, మయన్మార్ సాయుధ దళాల మూడు విభాగాలు తొలిసారిగా చెన్నైలో ద్వైపాక్షిక విన్యాసాన్ని నవంబరు 5న ప్రారంభించాయి. ‘రాహత్ మిత్ర’ పేరుతో ఈ కార్యక్రమాన్ని నవంబరు 5, 6 తేదీలకు నిర్ణయించినట్లు రక్షణ మంత్రిత్వ శాఖ తెలిపింది.

భారత నౌకాదళం సమన్వయం చేసిన ఈ విన్యాసంలో రెండు దేశాలకు చెందిన 300 మందికి పైగా సిబ్బంది పాల్గొన్నారని మంత్రిత్వ శాఖ పేర్కొంది. విపత్తు సహాయక చర్యల అనుభవాలను పంచుకోవడం, రెండు దేశాల దళాల మధ్య సమన్వయాన్ని మెరుగుపరచడం కార్యక్రమ లక్ష్యాలు.