భారత్ మొబిలిటీ ఎక్స్‌పో 2027లో 11 ప్రత్యేక ప్రదర్శనలు

భారత్ మొబిలిటీ గ్లోబల్ ఎక్స్‌పో మూడో విడతలో 11 ప్రత్యేక ప్రదర్శనలు ఏర్పాటు చేయనున్నారు. 1,750కి పైగా ప్రదర్శకులు పాల్గొంటారని అంచనా. కేంద్ర వాణిజ్య, భారీ పరిశ్రమల మంత్రిత్వ శాఖలు నవంబర్ 10న నిర్వహించిన ముందస్తు కార్యక్రమంలో ఈ వివరాలను వెల్లడించాయి. 2027 ఫిబ్రవరి 4 నుంచి 9 వరకు ఢిల్లీలోని భారత్ మండపం, యశోభూమి వేదికలుగా ఎక్స్‌పో జరగనుంది.

భారత్ మండపంలో బ్యాటరీల ప్రదర్శన ఉంటుంది. యశోభూమిలో వ్యవసాయ రవాణా సాంకేతికత, మెట్రోతో పాటు పట్టణ సామూహిక రవాణాకు సంబంధించిన ప్రదర్శనలు నిర్వహిస్తామని వాణిజ్య, పరిశ్రమల శాఖ ప్రెస్ ఇన్ఫర్మేషన్ బ్యూరో ద్వారా తెలిపింది.