తక్కువ ఆదాయ అద్దెదారుల గృహ సహాయానికి స్కాట్లాండ్‌లో మరో 20 లక్షల పౌండ్లు

తక్కువ ఆదాయం ఉన్న అద్దె కుటుంబాలకు గృహ ఖర్చుల్లో తోడ్పడే పథకానికి మరో 20 లక్షల పౌండ్లు కేటాయిస్తున్నట్లు స్కాట్లాండ్‌ ప్రభుత్వం నవంబరు 5న ప్రకటించింది. దీంతో ఈ ఏడాది డిస్క్రెషనరీ హౌసింగ్‌ పేమెంట్స్‌ పథకానికి నిధులు మొత్తం 11.7 కోట్ల పౌండ్లకు చేరాయి. అద్దె ఇళ్లలో కొనసాగేందుకు కుటుంబాలకు ఈ చెల్లింపులు తోడ్పడతాయి.

ఈ ఏడాది మొత్తం నిధులతో సుమారు లక్ష కుటుంబాలు తమ అద్దె ఇళ్లలో కొనసాగగలవని స్కాట్లాండ్‌ ప్రభుత్వం అంచనా వేసింది. బ్రిటన్‌లో సంక్షేమ ప్రయోజనాలపై ఉన్న గరిష్ఠ పరిమితి, అదనపు పడకగది ఉన్నప్పుడు గృహ సహాయంలో విధించే కోత ప్రభావాన్ని తగ్గించేందుకూ ప్రభుత్వం ఈ పథకాన్ని ఉపయోగిస్తోంది.