బ్రిటన్‌లో రెండు సముద్ర పవన విద్యుత్‌ ప్రాజెక్టులకు 1,200 కోట్ల పౌండ్లు

బ్రిటన్‌లోని వాన్‌గార్డ్‌ వెస్ట్‌, వాన్‌గార్డ్‌ ఈస్ట్‌ సముద్ర పవన విద్యుత్‌ ప్రాజెక్టుల్లో పెట్టుబడులు పెట్టేందుకు ఇంధన సంస్థ ఆర్‌డబ్ల్యూఈ, పెట్టుబడి సంస్థ కేకేఆర్‌ తుది నిర్ణయం తీసుకున్నాయి. రెండు ప్రాజెక్టుల మొత్తం పెట్టుబడి 1,200 కోట్ల పౌండ్లు అని బ్రిటన్‌ ప్రభుత్వం నవంబరు 11న తెలిపింది.

తీరంలో చేపట్టిన పనులు ఇప్పటికే చాలా వరకు ముందుకు సాగాయని, సముద్రంలో నిర్మాణ పనులు 2027 ప్రారంభంలో మొదలవుతాయని ప్రభుత్వం తెలిపింది. రెండు ప్రాజెక్టులూ 2030 నాటికి పనిచేయడం ప్రారంభిస్తాయని అంచనా వేసింది.