జమ్మూ ఎయిమ్స్‌లో ఎనిమిది మాడ్యులర్‌ ఆపరేషన్‌ థియేటర్ల ప్రారంభం

జమ్మూలోని అఖిల భారత వైద్య విజ్ఞాన సంస్థ (ఎయిమ్స్‌)లో నవంబరు 7న ఎనిమిది మాడ్యులర్‌ ఆపరేషన్‌ థియేటర్లు ప్రారంభమయ్యాయని ప్రెస్‌ ఇన్ఫర్మేషన్‌ బ్యూరో (పీఐబీ) తెలిపింది. కేంద్ర సహాయ మంత్రి జితేంద్ర సింగ్‌ వీటిని ప్రారంభించారు. వీటితో ఆ సముదాయంలోని శస్త్రచికిత్స గదుల సంఖ్య 20కి చేరిందని పీఐబీ పేర్కొంది.

ఈ విస్తరణతో మరిన్ని క్లిష్టమైన శస్త్రచికిత్సలు చేయడానికి, రోగుల నిరీక్షణ సమయాన్ని తగ్గించడానికి వీలవుతుందని సింగ్‌ చెప్పారు. ఎనిమిది గదులూ క్రమం తప్పకుండా ఎప్పటి నుంచి వినియోగంలోకి వస్తాయో, నిరీక్షణ సమయం ఎంత తగ్గవచ్చో ఆ ప్రకటనలో వివరించలేదు.