మంగళూరులో 80 వేల టన్నుల భూగర్భ ఎల్‌పీజీ నిల్వ కేంద్రం నవంబరు 13న జాతికి అంకితం

కర్ణాటకలోని మంగళూరులో నిర్మించిన భూగర్భ ఎల్‌పీజీ నిల్వ కేంద్రాన్ని ప్రధాని నరేంద్ర మోదీ నవంబరు 13న జాతికి అంకితం చేయనున్నట్లు ప్రధాని కార్యాలయం తెలిపింది. ఇందులో 80 వేల మెట్రిక్‌ టన్నుల ద్రవీకృత పెట్రోలియం వాయువును నిల్వ చేయవచ్చు.

ఈ కేంద్రం నిర్మాణానికి రూ.850 కోట్లకు పైగా ఖర్చయిందని ప్రధాని కార్యాలయం వెల్లడించింది. భూగర్భంలో ఎల్‌పీజీ నిల్వ కోసం దేశంలో నిర్మించిన అతిపెద్ద కేంద్రం ఇదేనని పేర్కొంది. నవంబరు 11న ప్రకటించిన ప్రధాని కర్ణాటక పర్యటన కార్యక్రమంలో ఈ అంకితోత్సవం ఉంది.