2027లో సంయుక్త పరిశోధన ప్రతిపాదనలకు భారత్‌, ఇటలీ సన్నాహాలు

2027లో సంయుక్త పరిశోధన ప్రతిపాదనలను ఆహ్వానించేందుకు భారత్‌, ఇటలీ సన్నాహాలు చేస్తున్నాయి. నవంబరు 12న రోమ్‌లో భారత మంత్రి జితేంద్ర సింగ్‌, ఇటలీ మంత్రి అన్నా మారియా బెర్నిని భేటీ అనంతరం ప్రెస్‌ ఇన్ఫర్మేషన్‌ బ్యూరో (పీఐబీ) ఈ విషయాన్ని తెలిపింది. శాస్త్ర పరిశోధనలో సహకారాన్ని పర్యవేక్షించే ఉమ్మడి కమిటీ ఈ ఆహ్వానాన్ని సిద్ధం చేస్తోంది. ప్రతిపాదనలను ఎప్పటి నుంచి స్వీకరిస్తారో, ఎంత నిధులు కేటాయిస్తారో ఇరు ప్రభుత్వాలు వెల్లడించలేదు.