ఉత్తర ప్రాంగణంలోని ఆయుర్వేద మొక్కలను నమోదు చేయనున్న ఢిల్లీ విశ్వవిద్యాలయం

ఢిల్లీ విశ్వవిద్యాలయం ఉత్తర ప్రాంగణంలో ఆయుర్వేదంలో ప్రస్తావించే మొక్కలను గుర్తించి, వాటి వివరాలను నమోదు చేయనున్నారు. ఇందుకోసం విశ్వవిద్యాలయం, కేంద్ర ఆయుర్వేద పరిశోధనా సంస్థ నవంబరు 10న ఒప్పందం కుదుర్చుకున్నట్లు ఆయుష్‌ మంత్రిత్వ శాఖ నవంబరు 12న వెల్లడించింది.

దాదాపు 250 నుంచి 300 ఎకరాల విస్తీర్ణంలో క్షేత్రస్థాయి సర్వే చేపట్టాలని భాగస్వామ్య సంస్థలు భావిస్తున్నాయి. మొక్కల నమూనాలను భద్రపరచడంతో పాటు వాటి వివరాలు తెలుసుకునేందుకు ప్రాంగణంలో సూచికలు ఏర్పాటు చేయనున్నారు. గుర్తించిన మొక్కలపై చిత్రాలతో కూడిన పుస్తకాన్ని కూడా రూపొందించాలనేది ప్రణాళిక.