ఢిల్లీలో భారత అంతర్జాతీయ వాణిజ్య ప్రదర్శనకు నవంబరు 19 నుంచి ప్రజలకు ప్రవేశం

ఢిల్లీలో జరిగే భారత అంతర్జాతీయ వాణిజ్య ప్రదర్శనకు నవంబరు 19 నుంచి 27 వరకు సాధారణ ప్రజలకు ప్రవేశం ఉంటుందని కేంద్ర వాణిజ్య మంత్రిత్వ శాఖ తెలిపింది. నవంబరు 14 నుంచి 18 వరకు తొలి ఐదు రోజులు వ్యాపార సందర్శకుల కోసం కేటాయించారు. ప్రారంభోత్సవం నవంబరు 13న జరగనుంది.

భారత్‌ మండపంలో జరిగే ఈ 45వ ప్రదర్శనలో 17 హాళ్లలో కలిపి 3,500కు పైగా ప్రదర్శకులు పాల్గొంటారని మంత్రిత్వ శాఖ అంచనా వేసింది. హస్తకళలు, వస్త్రాల నుంచి ఎలక్ట్రానిక్‌ వస్తువుల వరకు ప్రదర్శించనున్నారు. భారత వాణిజ్య ప్రోత్సాహక సంస్థ ఈ ప్రదర్శనను నిర్వహిస్తోంది.